Thinking RFID

Адамның өз нәпсісі өзіне үлкен жау. Неге десеңіз, адам бірнәрсеге құмарланса, яғни нәсі соған итермелейді. Ал сол құмардан шықса, адамның айуаннан айырмашылығы болмайды. Өйткені, азулы арыстан өз қарнын тойдыру, яғни құмарын қандыру үшін өзге сүтқоректілерді жейді. Онда егер нәпсіні тыятын сана болса, сол арыстан тыяр еді. Амал нешік Алла солай жаратқан екен, адал өмір сүріп, оның өзіне қайтуымыз керек. Періштені жаратқанда, оған ақыл берген, жануарларды жаратқанда, оларға нәпсіні ғана берген, ал адамды жаратқанда, оған ақылды да, нәпсіні де берген. Егер алғашқысына соңғысын бағындырса, періштеден де жоғары дәрежеде болады, тең ұстаса адам ғана, кейінгісі басым болып кетсе, айуаннан да төмен дәрежеге түседі. Халқым, ойлану кезегі өзіңде..... Қайсысы қайсысына қалай қызмет етіп жүр? Періште болып па, адам болып па әлде айуан болып па?
Міне, адамның ең үлкен жаулары - нәпсі мен шайтан.

Жарандар, блогка кірмегеніме кеше тура 2 апта болыпты. Кіре қояйын десем домен бір кіргізбейді ғой(Адамның қанын қайнатып). Сонымен амал нешік деп отыра бердім. Үмітім үзілуге шақ қалғанда, көмекке Опера броузері келді ғой. Интернет парақтарынан броузерлерді орындыққа теңесек, әр броузер төмендегідей сипатқа ие болады деген. Мұнысы несі деп таңқалған болатынмын. Сөйтсем, гәп осында жатыр екен!



Мен де осы шешіммен келісем!

Біздің көркемфильмдер....

Cinema

Қазірде кім көрінген көркемфильм түсіре беретін заман болды. Мәні бар, мағынасы терең көркемфильмдер жоқтың қасы десек әсте қателеспейміз. Маған көбінесе көркемфильмдердің сюжеттері ұнамайды. Бір-біріне байланыспай қалған көркемфильмдер көп. Мен сөз етіп отырған көркемфильмдер - жалпы Қазақстандық көркемфильмдер. "Келінді" - ешкі деп халық баға берді. "Сіз кімсіз Ка мырза?" дегенді көрдім, бірақ одан алар мәнді ұқпадым. Әке қорлығы дегенді көркемфильмдер қатарына жатқызуға аузым бармайды. Көркемфильм "Көркем" деген атқа сай болуы керек. "Прыжок Афалины" көркемфильмін көрдім, қызық емес. Неге қызықпадым деп ойлап та көрдім. Сөйтсем, бұл көркемфильмсымақтарым өңшең орыс аудиториясына арналған көркемфильмдер боп шықты. Қазақстанда жасап, қазақ емес, өзге ұлт өкілдерінің көңілін аулаймыз... Көркемфильмдердегі сюжеттер қазақы болмысымызға мүлдем қарсы келеді. Мәдениет министрлігі көркемфильмдерді көбейтуге ақша бөледі жылына. Осы бөлінген ақшаға сапалы фильм шығаруын талап етпей неге жүр деген ой келеді. Мәнді көркемфильмді түсіре алмаса, бұрынғы Шәкен Айманов атамыздың фильмдерін өңдеп, яғни түс енгізіп халыққа ұсынсын. Құр босқа ақшаны шаша бермей. "Алдар көсе" көркемфильмі ақ-қара түсте, мәселен. Тағы басқа фильмдер де осындай кейіпте. Бәлкім, осы істерді атқарып жүргенде дарынды кинорежиссер Жоғарғы оқу орнын бітіріп қалар, бәлкім.....